KERSFEES KINDERS (saam die Tjominis in Hartenbos)

ABOUT

Die Tjominis kom sing en spring tot in HARTENBOS om 'n superrr lekkerrr KERSFEES SHOW vir die kleinspan te ho-ho-ho

'n Avontuur vir mini-maatjies is hier om by die see GROOT fees te vier.

MEER OOR ONS 2 KERSFEES KINDERS VERTONINGS

Dis Kersfees tyd. Gesiggies soos liggies propvol jolyt.

Ons gaan dans, sing en spring terwyl ons hulde aan die Koning bring.

Op ‘n sonskyn somersdag, gaan ons sing oor dié spesiale Stille Nag

**ONS HET OOK N SING & SPRING SHOW MET N ANDER TEMA WAT 26 DESEMBER GAAN PLAASVIND. SIEN QUICKET VIR BESONDERHEDE https://qkt.io/DAY8ca **

WIE EN WAT IS DIE TJOMINIS?

Die Tjominis is geskep deur ‘n Mamma, spesiaal vir elke Mamma wat saam haar mini-mensie altyd sal bly glo soos ‘n kaalvoetkind. Dié Mamma is bekende Afrikaanse kunstenaar en sangeres Sorina en saam met haar kreatiewe karaktertjies laat sy elke woelige woelwater en klein karnallie bokspring-bollemakiesie-klim terwyl hulle speel-speel leer op n lekker lawwe manier

Vir meer info oor die Tjominis, besoek Tjomini-land by www.tjominis.co.za 

WAAR / WAT / WANNEER:

3 vertonings en 2 verskillende temas word in die Desember vakansie aangebied by die WALVISSAAL in HARTENBOS (in die Seefront Sentrum)

21 Des 10am : KERSFEES KINDERS vertoning

22 Des 10am : KERSFEES KINDERS vertoning

26 Des 10am : DIE SING EN SPRING SHOW

Sien op Quicket vir die vertoning van 26 Des met n splinternuwe tema & ander liedjies

**Al 3 Tjominis vertonings is +-50 tot 60min lank**

KAARTJIES:

Koop asb kaartjies vooraf aanlyn aangesien ons net sekere hoeveelheid kaartjies beskikbaar gaan stel. Sien betaalopsies beskikbaar

Kaartjies kos R90 per persoon en prys bly dieselfde vir groot en klein, van elkeen met melktande tot en met valstande. 

NB! Slegs babas onder 1 jaar oud en Oumas oor 100 jaar oud is gratis. Vir die res, onthou asb om jou kaartjies byderhand te hou op die dag van die show

** Indien jy n nippertjie mens is en op die oggend van die vertoning kaartjies wil aankoop (wat ons liefs nie aanbeveel nie) sal kaartjie verkope n uur voor die vertoning by die deur plaasvind en slegs indien daar wel nog kaartjies beskikbaar is wat ons ongelukkig nie kan waarborg nie. Koop dus betyds aanlyn

** Indien vertoning gekanselleer word agv omstandighede buite menslike beheer, sal n 70% terugbetaling van die kaartjieprys aan u terugbetaal word na die administratiewe kostes en kommissie van Quicket afgetrek is

SITPLEKKE

-Wie wil op n stoel sit as jy kan spring en dans in Afrikaans? 

-Bring jou eie piekniekmandjie en kombers / strand handdoek as die bene moeg word en moet rus vir 'n wyle

-As Mammie bang is om n spier te trek met al die rek en strek, bring dan gerus jou strandstoel saam en kom kamp uit by ons kleinspan konsert terwyl jou mini-mensie al die hope suiker gaan uitspring voor n middagslapie

SOSIALE MEDIA & KONTAK INFO

-Webtuiste: https://www.tjominis.co.za/

-Youtube kanaal: https://www.youtube.com/channel/UC0g757x1-k67fKQB4uLVJuA

-Facebook: https://www.facebook.com/tjominis

-E-pos: [email protected]

-Whatsapp: 066 516 3626

B's & V's:

Voorwaardes en terme geld met die koop van die kaartjie wat ook insluit al die reels en regulasies van Walvissaal en die Seefront Sentrum met toegang wat voorbehou word

Elke ouer / voog is ten volle verantwoordelikheid vir sy / haar eie kroos en die organiseerders aanvaar geen verantoordelikheid vir enige skade of verlies gelei, van watter aard ookal

Vrywaring: Met die koop van n kaartjie gee jy toestemming dat Tjominis jou besonderhede mag gebruik vir bemarkingsdoeleindes van hulle vertonings en produkte

?

SPOTIFY

DIRECTIONS