Kruis
Wed Jul 26, 19:30 - Sat Jul 29, 20:30
Hoogeind Manor, Somerset-Wes
ABOUT
Freda se daaglikse uitdagings met bipolêre depressie word haar kruis.
Sy is ‘n talentvolle pianis en onwrikbaar in haar geloof. Dis wat haar staande hou. Wanneer die maniese episodes buite beheer raak, is haar ouers, Freek en Francien, daar om te help. Wanneer Freda se afhanklikheid sy tol begin eis, word hulle genoodsaak om haar na ‘n psigiatriese huis te stuur. Na vele opnames in psigiatriese hospitale, kry Freda dit tog reg om weer op haar eie voete te staan en met haar lewe voort te gaan. Natuurlik teen ‘n prys.
Dié ware verhaal vertel van Freda wat almal om haar weer en weer inspireer en hoop gee. Dis ‘n moet-sien toneelstuk vir almal om weer moed te skep wanneer die spreekwoordelike kruis net te veel word, al is dit sonder bipolêre of major depressie of angs. Die aanbieding sal beslis ondersteuners van depressievegters ‘n paar rigtingwysers gee om hulle eie, en die depressievegter, se gesondheid en vrese beter te bestuur.
Die regisseur van Johan Laten se teks is Herman van der Westhuizen, toneelkenner, beoordelaar en sameroeper van panele wat alle vorme van die uitvoerende kunste by nasionale feeste in Suid-Afrika beoordeel.
Die rolverdeling bestaan uit akteurs wat reeds groot sukses op die verhoog behaal het: Maulise Kotzé, Denise Bester, Janó Roux en Johan Laten.
Die opvoering is familievriendelik. Alhoewel baie kinders jonger as 13 jaar reeds aan die ontvangkant van depressie en angs staan, mag die inhoud van Kruis nie tot hulle spreek nie.
Venue Hoogeind Manor, Somerset-Wes
Datum 26 tot 29 Julie
Tyd 19:30
Kaartjie R 100.00 per persoon
Kontak Johan Laten by 084 850 1140 of stuur ‘n e-pos na johan@depressie vir meer inligting.