Mandri en Schalk doen 'n show kom kyk asseblief as julle lus is dankie. (Lekker-Lag Fees 2024 @ Die Centurion Teater)
Wed Sep 4, 19:30 - Wed Sep 4, 20:45
Die Centurion Teater
ABOUT
Mandri en Schalk hou albei van komedie, optree en huise. Hierdie is dus 'n vertoning vir mense wat hou van komedie en optredes in huise. Gewoontlik 'n 'HUISKONSERT', maar Die Centurion Teater voel soos tuis! Die enigste van hierdie shows wat in 'n teater opgevoer gaan word. 'n Unieke, intieme ervaring wat groot pret beloof vir gehore. Moet asseblief nie te lank wag om te bespreek nie. Jy gaan lag, jy gaan nie huil nie en jy gaan dit nie wil misloop nie! So koop 'n kaartjie en maak 'n verskil. Die kinders het jou nodig! In kort: Mandri en Schalk doen 'n show kom kyk asseblief as julle lus is dankie.
'n Boodskap van die kunstenaars:
"Hallo julle! Dis Mandri en Schalk hiesô. Ons sal dit VERSKRIKLIK waardeer as julle ons show kom kyk. Ons belowe humor, artikulasie, alliterasie en nog humor. Baie dankie."
Agtergrond van die kunstenaars:
Lank, lank gelede was daar twee krulkoppe gebore, een in Standerton en een in Kempton Park. Hulle is gebore sonder enige boeties of sussies. Die twee enkel kinders se lewens was nie altyd maanskyn en rose nie. Hulle was elke Desember of in die Wildtuin of by Buffelspoort se ATKV oord, in die karavaan park en het elke Blou Bul game by Loftus gekyk. In 2023 het hulle mekaar op ‘n glyplank in Kaapstad ontmoet en nou is hulle nie meer so alleen nie. Dis die kort van die lank.