"Vakansie-Afskop" met Pietman Geldenhuys
Thu Dec 5, 20:00 - Thu Dec 5, 22:00
The Stage Coach at Santos Express
ABOUT
“Vakansie-Afskop” met Pietman Geldenhuys
Donderdag, 5 Desember 2024, 20:00
Pietman Geldenhuys, aanbieder van die gewilde program OppieStoep, klim in sy Skotse persona asook sy Skotse “kilt” en neem die gehoor saam met hom op sy reis vanaf Skotland, deur verskeie lande, tot waar hy hom tans in Suid-Afrika bevind.
Hy beeld sy reis uit met die kombinasie van musiek en komiese verhale. Die musiek sluit in sy eie komposisies, bekende en geliefde Skotse liede soos “Flower ofScotland” en “Loch Lomond” asook verwerkte liedjies soos “Loslappie”,gesing uit die mond van ‘n Skot.
Hy verras die gehoor ook met skreeusnaakse stories (uit volksbesit en eie ervarings), improvisasie van bekende Suid-Afrikaanse karakters (Tolla van der Merwe, Nico Nel, Arno van Zyl, ens) (soos gesien op Kyknet se OppieStoep) en ook liedjies wat hy op die ingewing van die oomblik net daar voor die gehoor se oë komponeer en toonset, met gebruik van die gehoor se voorstelle en woorde. ’n Tipe ode aan die gehoor.
Die manier waarop Pietman op sy voete dink en die gehoor oorrompel met sy spitsvondighede maak hom eie in sy soort. Hy het dit reggekry om die perfekte balans te vind tussen ligte humor, skaterlag vermaak, geliefde liedjies en die erns in sy eie musiek.
So, tussen lekker musiek ’n lag, heerlike kos en wyn van die Santos Express en gasvryheid van The Stage Coach, is dit die ideale begin van die vakansiekuier teg langs die strand met vergesigte oor die see en berg.
Kaartjies is slegs R180 per persoon.
Show begin om 20:00. Kom vroeg om op ons dek te kuier en die heerlike disse van ons spyskaart te geniet.
Vir meer inligting bel asseblief: +27 44 691 1995