“Liewe Heksie Vang Vis” met Margit Meyer-Rodenbeck
Fri Mar 21, 09:30 - Fri Mar 21, 11:00
The Stage Coach at Santos Express
ABOUT
“Liewe Heksie Vang Vis” met Margit Meyer-Rodenbeck
Vrydag, 21 Maart 2025, 09:30
Hierdie splinternuwe Heksie-produksie is pas genomineer vir ’n KKNK-toekenning vir beste kinderteater.
Ons almal se geliefde Liewe Heksie is terug. Hierdie keer span sy haar besem in as ’n visstok, maar dit sukkel maar om ’n vis te laat byt. Sy raak vreeslik opgewonde as sy wel daarin slaag: “Haai oe, dis vir my so lekker as ek ‘n vis vang. Dan sing ek sommer ‘n liedjie en die vis wil saam sing. Ek weet, want sy bek gaan so oop en toe. Of dalk gaap hy, omdat hy moeg is, dan gooi ek hom terug en vang ‘n nuwe ene.”
Maar waarom raak Koning Rosekrans se forelle dan minder? Is Levinia die skuldige, of is die nare Geelheks ook weer in die prentjie? Liewe Heksie het dringend julle hulp nodig!
Verna Vels se immergroen verhale kry nuwe lewe met gehoordeelname en voortsnellende aksie. Margit Meyer-Rodenbeck skitter as Liewe Heksie, terwyl die uiters talentvolle Deon van Zyl die rolle van Karel Kat, die Geelheks en Koning Rosekrans vertolk.
In 2022 het dieselfde span die ABSA KKNK Kanna-toekenning ontvang vir beste kinderteater en is in 2023 genomineer vir ’n Fleur du Cap-toekenning.
Die tydlose Liewe Heksie bly die perfekte vermaak vir die hele gesin.
Kaartjies is slegs R140 per persoon.
Show begin om 9:30. Kom vroeg om op ons dek te kuier en die heerlike ontbyt van ons spyskaart te geniet.
Vir meer inligting bel asseblief: +27 44 691 1995